Malampusong napahigayon sa Dapitan City Police Station ang Drug Awareness ug Anti-Bullying Symposium sa covered court sa Guimputlan Integrated School, Barangay Guimputlan, Dapitan City kagahapon, Disyembre 17, 2025. Ang kalihokan gipangulohan ni Police Lieutenant Mariannie Mandi ubos sa direktang supervision ni Police Lieutenant Colonel Eva Joy E. Capurcos, Chief of Police.
Ang symposium nagtutok sa pagpahibalo sa mga estudyante, ginikanan, ug miyembro sa komunidad mahitungod sa kadaut sa ilegal nga droga ug sa kahinungdanon sa pagpugong sa bullying. Gi-emphasize usab ang pagpatunhay og luwas, matinahuron, ug supportive nga palibot sa eskwelahan ug komunidad.
Pinaagi sa maong kalihokan, gipakita sa kapulisan ug komunidad ang ilang paningkamot sa pagpanalipod sa kabatan-onan ug pagpalig-on sa kaamgohan sa katawhan, samtang padayon nga gisuportahan ang mga programa alang sa kaluwasan, disiplina, ug kaayohan sa Dapitan City.(JENIFFER JR. DELICA)
Source/Photo Courtesy: Dapitan City Police Station ZNPPO