Malampusong gipahigayon ang turn-over ceremony alang sa Sustainable Livelihood Program (SLP) sa Barangay Banonong, ning Dakbayan sa Dapitan, niadtong Hulyo 18, 2025.
Ang maong nga aktibidad gipangulohan ni Mayor Evelyn T. Uy ug CSWDO Marilyn Saldon Sy, kauban ang Department of Social Welfare and Development (DSWD).
Ang programa usa ka inisyatibo nga nagtinguha sa pagpanghatag og dugayng oportunidad sa kapanginabuhian, isip paagi sa pagpalapad sa ekonomikanhong kalambuan sa komunidad.
Naglambigit kini sa panaghiusa sa nagkadaiyang ahensya sa gobyerno, mga lokal nga lider, ug mga partner-organisasyon nga nagtinguha sa pagpauswag sa kalidad sa kinabuhi sa mga Dapitanon.
Padayon ang lokal nga kagamhanan sa pagpasiugda sa mga programang nagahatag gahum sa komunidad ug kabus nga sektor, isip kabahin sa halapad nga panan-awon alang sa malungtaron nga kalamboan ug lig-on nga katilingban.(Jumalisa Papa)
Source: ZNPNN