Himas rehas ang suspetsado sa Dipolog PNP ang 51 anyos, nga lalaki tungod sa pagpayuhot ug illegal nga drugang shabu sa gipahigayong drug buy-bust operation niadtong nakalabay nga adlaw didto sa Purok Gemilina, Lalawan Brgy. Dicayas, Dicayas Dipolog City.
Nakompiska gikan sa suspetsado ang duha ka medium size ug usa ka small size heat sealed transparent plastic sachet nga adunay sulod nga white crystalline substance nga gituohang shabu nga motimbang sa kapin kun kulang 5 gramos nga gibanabanang mokantidad sa 34,000.00 ka pesos.
Ang maong operasyon gipanguluhan sa Dipolog PNP hinungdan sa pagkasikop sa maong suspetsadong drug pusher.
Ang maong suspetsado gidala gilayon sa Dipolog City Police Station alang na sa kasong paglapas sa RA 9165 kun Comprehensive Dangerous Drug Act of 2002. (Medalyn U. Borja)
(Source: ZNPPO)