Usa ka Street Level Individual (SLI) ang malampusong nasikop sa gikasa nga drug buy-bust operation sa mga personahe sa Sindangan MPS mga alas 9:35 ang takna sa kagabhion, Marso 25,2025.
Ang dinakpan naila nga usa ka 33-anyos nga lalaki, electrician ug residente sa Barangay Upper Inuman, Sindangan, Zamboanga del Norte, kinsa nasakmitan ug gibana-banang nga 3.0 gramos sa gituohang shabu nga adunay standard drug price nga mobalor sa Php 20,400.00, usa ka New Far cigarette pack nga gigamit isip sudlanan, usa ka marked Php 1,000 bill, usa ka green disposable lighter, aluminum foil, ug duha ka usa ka pesos nga sensilyo.
Ang mga nakumpiska nga drug items gi-turnover sa Provincial Forensic Unit, Liloy Satellite Office, alang sa laboratory examination, samtang ang dinakpan anaa ubos sa protective custody sa Sindangan MPS alang sa tukmang disposasyon. (Medalyn U. Borja)
(Source: ZNPPO)