Tugpa sa prisohan ang usa ka Suspetsadong, nasakmitan og mokabat sa 3.5 Gramos sa gituohang Shabu, pinaagi sa gipahigayon nga Joint Buy-Bust Operation, sa mga kapulisan, sa pagpanguna sa mga personahe gikan sa Dapitan City Police Station, didto sa Purok Rosal, sa Barangay Dawo sa nasangpit nga dakbayan, ning Probinsiya sa Zamboanga Del Norte, niadtong nakalabay’ng adlaw, Agusto 06, 2025 sa may 12:40 sa kaadlawon.
Giila sa Dapitan Pnp ang dinakpan sa alyas nga Pikot, 47 anyos, minyo, ug Lumolupyo sa Barangay Taguilon, sa Dakbayan sa Dapitan, ning Probinsiya sa Zamboanga Del Norte.
Base sa pahayag nga giluwatan sa Dapitan Pnp, nga atol ilang gipahigayon nga Buy-Bust Operation, Posetibo matud pa nilang nasakmitan ang nasangpit nga Supetsado, sa gi-tuohang Iligal nga Drogang Shabu, diin gibana-bana kining motimbang, nga mokabat ngadto sa 3.5 Gramos, samtang gibana-bana usab ang kantidad niini base sa Street Value, nga mokabat ngadto sa Php23,800.00, diin lakip usab nga nakuha gikan sa kontrol ug posesyon sa dinakpan ang iyang Identification Card, Wallet, ug gamit niining motor, nga kolor Puting Scooter.
Sa pagka-karon ang dinakpan atua na temporaryong naka-detiner sa Custodial Facility sa Dapitan City Police Station, samtang gi-asekaso pa ang pagpasaka og kaso ngadto sa korte sa iyang gibuhat nga pagsupak sa Republic Act 9165 nga mas naila sa tawag nga (Comprehensive Dangerous Drug Act of 2002, samtang ang mga nakumpiska gikan sa dinakpan atua na gipadala sa Zamboanga Del Norte Provincial Forensic Unit 9, alang na sa ipahigayon nga Examinasyon. (Julius Esmade)