Balhog karon sa prisohan ang usa ka suspek sa pagpayuhot sa ilegal na drugas atol sa gipatoman nga hiniusang buy-bust operation sa mga personahe sa kapulisan didto sa Brgy.Gulayon dakbayan sa Dipolog,Hulyo 9,2026.
Ang maong dinakpan nasikop ug nakumpiskahan sa kapulisan sa gibana-bana nga 3 gramos nga gituohang shabu nga adunay gibanabanang kantidad nga Php 20,400.00.
Ang pagkasikop sa suspek ug pagkakumpiska sa nasangpit nga drugas gihimo pinaagi sa mga personahe sa Dipolog CPS, ZN PDEU (Lead Unit) 1st ZNPMFC, 901st MC, RMFB9 ug RID9 uban sa koordinasyon sa PDEA 9.
Kining malampusong operasyon nagpakita sa lig-on nga dedikasyon sa atong mga personahe sa pakigbatok sa ilegal nga droga ug sa ilang padayon nga paningkamot aron mapanalipdan ang komunidad.(MEDALYN U. BORJA)
Source: Dipolog City Police Station ZNPPO