Nasikop ang usa ka suspek sa anti-illegal drug operation nga gipahigayon sa Purok 4, Sitio Bucana, Barangay Dos, Katipunan, Zamboanga del Norte. Narekober sa operasyon ang kapin o kulang tulo ka gramo sa gituohang shabu nga adunay gibanabanang kantidad nga Php 20,400.
Gipatuman ang search warrant sa mga personnel sa Katipunan Municipal Police Station isip lead unit, kauban ang 901st MC, RMFB 9, 1st ZNPMFC, ug 97th IB, 1ID, sa koordinasyon sa Philippine Drug Enforcement Agency Region 9.
Sumala sa kapulisan, ang operasyon nahimong malampuson tungod sa hapsay nga koordinasyon sa nagkadaiyang yunit nga misuporta sa pagpatuman sa mando sa korte batok sa suspek.
Gipasiugda sa mga otoridad nga magpadayon ang ilang kampanya batok sa ilegal nga droga aron mapanalipdan ang komunidad ug mapalig-on ang kalinaw ug kahapsay sa Katipunan.(JENIFFER JR. DELICA)
Source: Katipunan Municipal Police Station ZNPPO