Malampusong napahigayon ang Fire Prevention Month 2026 Kick-Off Ceremony nga gipasiugdahan sa mga kawani sa Bureau of Fire Protection (BFP) sa Rehiyon Nuebe, kagahapong adalawa Marso 1,2026.
Ang maong kalihokan gihimo pinaagi sa pagpanguna sa BFP Regional Director nga si FCSUPT JERRY DUHINA CANDIDO, DSC uban sa kooperasyon sa mga personahe nga gisakupan niini ug gisalmotan usab sa mga represintante gikan sa nagkadaiyang tunghaan sama sa ZNNHS Main and Annex Campus, Sindangan NHS,Polanco NHS nga mihatag ug pasundayag sa mga partisetante ug inabagan usab sa halangdong Mayor ning syudad sa Dipolog nga si Mayor Roberto Y. Uy.
Nasayran nga kini ang unang higayon nga gipahigayon ang maong kalihokan dinhi sa dakbayan Dipolog, diin pinaagi niining aktibidad mahatagan ug bililhong panabot ang komunidad kabahin sa mahinungdanong papel sa mga kawani sa Bureau of Fire Protection ug ilang kahusayan sa pagtubag sa mga emerhensya sama sa sunog nga mao ang nahimong tumong sa pagpahigayon niini nga kalihokan.
Gipakita niini ang unsa mang mga pamaagi nga makapa ugmat sa mga katawhan sa publiko sa pagpangandam,pagkaandam ug pagpakgang sa sunog kung kini mahitabo sa ilang komunidad.
Sa pikas bahin atol sa kalihok si FCSUPT Candido mihatag ug mga pamahayag kabahin niining bililhong kalihokan, kung unsa ang tumong niini,mga hinungdan ug benepisyo niini sa komunidad.
Matod pa ni FCSUPT Candido sa iyang pamahayag nga isip kahabahin sa ilang gipahigayon nga kalihokan isip mga kabahin sa ilang adbokasiya mao ang lakang sa pagpahigayon ug operasyon sama sa “Oplan Ligtas Pamayanan” nga ilang pagabuhatan nga tibuok tuig nga aktibidad alang sa Rehiyon 9.
Gitataw niini ang kamahinungdanong lakang o sumbahan nga kinahanglang buhaton sa komunidad isip pagpangandam aron malikayan ang emerhensya sa sunog ug unsa ang paagi nga mapakgang kini.
Gihatagan niini ug gibug-aton ang ilang mga lakang subay sa ilang adbokasiya nga mao ang pagpraktes ug pag implementar sa mga fire safety tips nga gihatag sa mga bombero dungan sa pahimangno nga kinahanglan nga matag usa kanato andam sa sunog, ug kinahanglan nga ang publiko dili magpanuko sa pagpahigayon ug “fire exit drill” sulod mismo sa matag panimalay.
Sa katapusang bahin sa iyang mensahe si FSUPT Candino,mipahimangno pagbalik nga kinahanglang i-praktis ug sundon sa publiko ang mahinungdanong mga pamaagi aron malikay, gawasnon ug walay makalas nga kinabuhi sa sunog.
News and photo by: MEDALYN BORJA