Paslak sa Prisohan ang usa ka Lalaking naaktuhan sa mga personahe sa Dapitan City Police Station nga nagpayuhot og Smuggled nga Segarilyo, tungod sa gipahigayon nga Joint Buy-bust Operation, didto sa Barangay Bagting sa dakbayan sa Dapitan ning Probinsiya sa Zamboanga Del Norte, niadtong Hulyo 25, 2025 sa gabie.
Giila sa Dapitan Pnp ang dinakpan sa alyas nga Wangbo, Lalaking anaa na sa hingkod ang pangidaron, ug Lumolupyo ra usab sa nahisgutang Lugar, diin kini posetibong nakuhaan gikan sa iyang kontrol ug posesyon sa nagkadaiyang klase sa mga Smuggled nga Segarilyo, diin gibana-bana ang kantidad niining makabat ngadto sa Php16,044.00.
Subay sa pahayag nga giluwatan sa dapitan pnp, nga gisikop nila ang maong suspect tungod sa gibuhat niining pagsupak sa Republic Act 10643 ( The Graphic Health Warning Law ) o ang pagpamaligya og segarilyo, nga walay sticker isip pagtugot niini, ning atong Gobyerno sa Pilipinas.
Sa pagka karon ang dinakpan atua na ubos sa kustodiya sa Dapitan City Police Station, lakip na niini ang mga nasakoting ebedinsiya alang na sa tukmang disposasyon.(Julius Esmade)