Cebu: High Value Individual nakuhaan og dul-an P7 milyones nga balor sa shabu sa taga Mandaue City Police Office

0
25
photo courtesy by PLTCol. Mercy Villaro

Dako na usab nga kalampusan ang nahimo sa taga Mandaue City Police Office (MCPO) sa ilang kampanya batok ginadiling drugas.

Pasado alas 11:15 kagabii, Abril 22, 2024 gilusad ang buy-bust operation didto sa Realty St., Barangay Subangdaku, siyudad sa Mandaue.

Naila ang suspect nga mao si Paolo Luigi Basalo Papas a.k.a. “Pao-Pao,” HVI, 35 anyos, may kaipon, residenti sa Purok Tugas, Brgy. San Isidro, lungsod sa San Fernando, Cebu.

Ang mga sakop sa CIU/CDEU, MCPO, pinanguluhan ni PLTCOL WILFREDO ALARCON JR., Chief CIU, mga sakop sa RID/RDEU7, pinanguluhan ni PCOL GERVACIO BALMACEDA JR., mga operatiba usab sa SOU7, PNP DEG, pinaagi ni PLT DENNIS C. HERNANDEZ, taga PDEA-7, pinaagi ni IA1 JESSIE CABUTOTAN, ug mga sakop sa PS2, MCPO, pinanguluhan usab ni PMAJ JOVITO LABRA, Station Commander.

Mga binultong shabu ang nakuha sa position ni Papas nga adunay timbang nga 1,020 gramos ug standard drug value nga P6,936,000.00.

Sa pagkakaron giandam na ang kasong kalapasan sa Section 5 ug 11, sa Article II sa R.A 9165.

Gisuta usab sa kapulisan kung si kinsa ang tig supply sa ginadiling drugas ni Paspas. (Renante Lada)

Leave a Reply