Gipahibalo sa Provincial Government of Zamboanga del Norte pinaagi sa Local Government Unit sa Rizal ang pagpangita og mga benepisyaryo alang sa Special Program for Employment of Students o SPES 2026.
Ang programa gipangulohan ni Governor Darel Dexter T. Uy uban sa suporta ni Mayor Marissa D. Manigsaca, nga nagtumong sa paghatag og oportunidad sa kabatan-onan aron makatrabaho ug makasuporta sa ilang edukasyon.
Sumala sa LGU Rizal, limitado ra ang slots alang sa summer job, busa giawhag ang mga kwalipikadong aplikante nga mo-submit dayon sa ilang requirements lakip ang birth certificate, complete grades, ug certificate of indigency hangtod Abril 16, 2026.
Ang aplikasyon ginadawat sa Municipal Budget Office gikan alas-8 sa buntag hangtod alas-5 sa hapon, ug bukas alang sa Grade 12 graduates, incoming college students, ug kasamtangang nagkolehiyo.(JENNIFER JR. DELICA)
Source: Municipality of Rizal