Gisugdan sa Philippine National Police ang screening ug preliminary interview sa 29 ka aplikante alang sa pagka-pulis ubos sa Attrition Quota sa PNP Dipolog niadtong Abril 14, 2026 sa City Hall sa Dipolog City.
Ang mga aplikante, nga pawang mga graduates sa Criminology gikan sa nagkadaiyang eskwelahan sa siyudad, gi-evaluate aron masuta ang ilang kahimanan ug kahandam sa pagsulod sa serbisyo sa pulisya.
Kabahin sa panel ang mga opisyal nga nagdumala sa proseso lakip si Mayor Roberto Y. Uy, Chief of Police PLTCOL Kishna Asaali, ug DILG City Operations Officer Sherrie Charlota N. Machutes.
Sumala sa PNP, ang maong screening kabahin sa ilang paningkamot sa pagpili og kwalipikado ug angay nga mga indibidwal aron mapalig-on ang serbisyo sa kapulisan sa siyudad.(JENNIFER JR. DELICA)
Source: Dipolog City Government