Gipahigayon sa Siocon District Jail niadtong Abril 11, 2026 ang training sa unarmed combat ug proper handling of firearms ubos sa pagpanguna ni Acting Jail Warden JCINSP Achmed Aziz A. Pia, nga gitambongan sa 4 ka STAR Team members ug 40 ka personnel.
Tumong sa maong kalihokan ang pagpalambo sa non-lethal self-defense skills, pagpalig-on sa situational awareness, ug pag-andam sa personnel sa pag-atubang sa kritikal nga sitwasyon nga dili mosalig dayon sa paggamit og armas.
Gisugdan ang training pinaagi sa lecture ug gisundan dayon og praktikal nga ehersisyo nga nagpunting sa husto nga baruganan, paghawid, ug disiplina sa paggamit sa armas, uban sa maampingong paggiya ug assessment sa mga partisipante.
Gipasiugda nga ang maong aktibidad nagsilbi usab nga refresher course alang sa mga senior personnel samtang naghatag og batakang kahibalo ug exposure sa bag-ong assign nga mga kawani, subay sa “No Guns in Jail” policy.(JENNIFER JR. DELICA)
Source: Siocon District Jail-BJMPR9