Mipadas-og og mosyon si Konsehal James P. Verduguez atol sa Privilege Hour sa regular nga sesyon sa Sangguniang Panlungsod ning syudad Septiyembre 19 ning tuiga, alang sa pagpasar sa resolusyon nga maghangyo ni Mayor Darel Dexter T. Uy nga pormal nga ipahibalo nga usa ka “Special Non-working Holiday” ang Oktubre 7 isip pagsaulog sa kapistahan sa simbahan sa Santo Rosario ning dakbayan.
Sumala niini, pinasikad sa Proclamation No. 15 nga gipakanaog sa Lupong Tagapagpaganap ng Pook niadtong Oktubre 3, 1988, ang Oktubre 7 sa matag tuig ang deklarado isip usa ka Pista Opisyal dinhi sa Dipolog aron kahatagan og higayon ang mga Dipolognon nga maka-selebrar ug makapahigayon sa mga na-andang kalihukan nga nagpromote sa mga maayong kultura ug tradisyon sa dakbayan.
Ang nasangpit nga proklamasyon wala pa milibkas o nasapawan sa laing balaod sukad kini na-aprobahan niadtong tuig 1998, pinaagi ni kanhi Chairman Elnorita P. Tugung sa Lupong Tagapagpaganap nga Pook, Autonomous Region IX, busa nagpabiling kining epektibo.
Ang mosyon ni Konsehal Verduguez ang gika-oyunan ug gidasonan sa tanang miyembro sa konseho ning dakbayan.
(Source: Dipolog City Government Facebook page)