Gipahigayon sa Piñan ang Ecological Solid Waste Management Meeting 2026 niadtong September 21, 2026 aron palig-onon ang hustong pagbulag sa basura, pagpanalipod sa kinaiyahan, river clean-up initiatives ug reforestation efforts.
Gipasiugda sa maong panagtigom ang responsibilidad sa matag panimalay, establisemento, organisasyon ug miyembro sa komunidad sa husto nga pagdumala sa basura, dili lamang sa lokal nga panggamhanan.
Gipatin-aw ni Engr. Jerome G. Navarrete, MENRO Designated Head–Secretariat, ang katuyoan ug kamahinungdanon sa meeting, ilabina ang aktibong partisipasyon sa publiko aron mas epektibong mapadayon ang solid waste management sa lungsod.
Pinaagi sa hiniusang paningkamot sa LGU ug komunidad, gidasig ang mga residente sa Piñan nga magpadayon sa husto nga waste segregation ug pag-atiman sa natural resources alang sa mas hinlo, mas lunhaw ug mas lig-on nga komunidad.(JENIFFER JR. DELICA)
Source: Mayor Rommel Gudmalin