Nakakuhà og 3rd place ang Provincial Government of Zamboanga del Norte Employees Association o PGZNEA sa 17th Inter-Government Agency Sportsfest o IGAS 2026 nga gipahigayon niadtong September 14–18 sa Dapitan City.
Gipresentar ang mga miyembro sa PGZNEA nga misalmot sa kompetisyon atol sa Flag Raising Ceremony sa Capitol Grounds niadtong September 21, ubos sa pagpanguna sa Focal Person nga si Shaun Tormis. Mas taas usab ang ilang nahimo karong tuiga kumpara sa 6th place nga ilang nakuha sa miaging tuig.
Nakapanguha og mga championship ug ubang dagkong pwesto ang PGZNEA sa nagkalain-laing kompetisyon, lakip ang Badminton Women’s Doubles, Women’s Volleyball, Chess Men’s Individual, Swimming Men’s Individual ug Darts Men’s Team nga nakab-ot ang three-peat Grand Slam.
Nakakuha usab sila og mga pwesto sa Athletics, Billiards, Pickleball, Table Tennis, Airsoft Practical Shooting, Pinoy Henyo, Mobile Legends, Basketball, Quiz Bee ug uban pang mga kalihokan. Sa overall standing, nahimong champion ang DepEd Zamboanga del Norte, samtang 2nd place ang LGU Dipolog City.(JENIFFER JR. DELICA)
Source: Zamboanga del Norte Provincial News Network