Opisyal nga giturn-over sa Department of Agrarian Reform (DAR) ang usa ka solar-powered water pump ngadto sa Bunawan Agrarian Reform Beneficiaries Association, nga naghatag bag-ong paglaum sa irigasyon ug produksyon sa mga mag-uuma sa lugar.
Gipangunahan kini sa DAR Zamboanga del Norte ubos ni Provincial Agrarian Reform Program Officer II Daisy Dell Suan Digamo, kauban ang ubang opisyal sa ahensya, isip kabahin sa Sustainable and Resilient Agrarian Reform Community (SURE-ARC) Program.
Pinaagi sa maong solar-powered pump, gilauman nga mapauswag ang sistema sa patubig sa mga umahan samtang maminusan ang gasto sa krudo ug masiguro ang padayon nga suplay sa tubigāilabi na sa mga layo nga komunidad.
Gitambongan usab ang kalihokan sa mga lokal nga opisyal lakip si Board Member Venus A. Uy nga nagrepresentar kang Governor Darel Dexter T. Uy, nga mipadayag og suporta sa programa alang sa mga benepisyaryo sa agrarian reform.
Gawas sa turnover sa solar pump, nag-apod-apod usab ang DAR og libreng abono aron matabangan ang mga mag-uuma sa pagpausbaw sa ilang ani ug pagpakunhod sa gasto sa produksyon.(IKEN B. GULLEM)
Source: DAR Zambonorte