Pinaagi sa pagpahigayon sa 1st Quarter Meeting sa City Anti-Drug Abuse Council (CADAC) mas gipalig-on sa lokal nga gobyerno ang kampanya batok sa ilegal nga droga dinhi sa siyudad.
Gipangunahan ang miting sa Department of the Interior and Local Government (DILG) Dipolog ubos ni CLGOO Sherrie Charlota N. Machutes, samtang gipangulohan kini ni City Councilor Praxides P. Rubia isip representante ni Mayor Roberto Y. Uy, ang CADAC Chairperson.
Gitambongan ang maong tigum sa nagkadaiyang ahensya nga miyembro sa konseho lakip ang Philippine Drug Enforcement Agency (PDEA), Philippine National Police (PNP), City Prosecutor’s Office, City Health Office (CHO), Corazon C. Aquino Hospital (CCAH), City Information Office (CIO), ug uban pang opisina sa siyudad.
Usa sa mga sentrong hisgutan mao ang update sa Barangay Drug Clearing Program ug ang kasamtangang kahimtang sa problema sa droga sa siyudad nga gipresentar ni PNP Dipolog Chief of Police PLTCOL Kishna B. Asaali.
Sumala sa mga opisyal, ang maong miting nagtumong sa pagpalig-on sa koordinasyon sa mga ahensya ug pagpatuman sa mas epektibong mga estratehiya aron mapugngan ang paglapas sa ilegal nga droga ug masiguro ang kaluwasan sa mga komunidad sa Dipolog.(IKEN B. GULLEM)
Source: Dipolog City Government