Usa ka mahinungdanong courtesy visit ang gipahigayon ni Scene of the Crime Operatives (SOCO) Regional Forensic Unit IX Officer-in-Charge, PLtCol. Mary Jane B. Cordero, kauban si PLtCol. Danilo R. Bustillo Jr., hepe sa Zamboanga del Norte Provincial Forensic Unit, ngadto kang Dipolog City Mayor Roberto Y. Uy sa iyang opisina hapon sa Nobyembre 13, 2025.
Ang maong courtesy visit tumong sa pagpahugot sa koordinasyon tali sa City Government of Dipolog ug sa PNP Forensic Units, ilabi na sa pagpalig-on sa forensic support alang sa mas epektibo nga law enforcement, crime investigation, ug kaluwasan sa katawhan sa syudad.
Gikalipay sa mayor ang pagbisita ug gipangandoy ang mas lig-on nga partnership aron mas mapadali ug mapaayo ang serbisyo sa pag-imbestigar ug pagresolba sa krimen sa Dipolog City.(IKEN B. GULLEM)
Source: Dipolog City Government