Padayon karon ang imbestigasyon sa Mabolo Police Station, CCPO, sa kaso sa kalit nga kamatayon sa usa ka pari gikan sa San Fernando El Rey Parish sa Liloan, Cebu.
Ang biktima giila nga si Fr. Decoroso “Cocoi” Olmilla, 68, napalgang wala nay kinabuhi sulod sa iyang condo sa Barangay Mabolo. Sumala sa report sa pulis, posibleng suicide kini pinaagi sa pagdunggab sa kaugalingon, apan padayon gihapon ang imbestigasyon aron masuta kung adunay foul play nga nalambigit. Natala ang insidente alas 10:00 sa buntag, Nobyembre 12, 2025.
Sa nasayran, naila si Fr. Olmilla sa Archdiocese of Cebu ug nailhan usab nga “Fr. Cool.” Na-assign siya sa daghang parokya sa Cebu ug probinsya, sama sa Daanbantayan, Canduman sa Mandaue City, ug San Nicolas sa Cebu City.
Gipangayo sa kapulisan karon ang kooperasyon sa publiko alang sa dugang impormasyon ug ebidensya aron mas masayran ang tinuod nga hinungdan sa kamatayon niini.
Samtang ang mga parokyano nagbangutan sa kamatayon ni Fr. Olmilla ug nagpaabot og mga pag-ampo.
I via Renante Socia Lada