Malampusong natuman ang Simultaneous One Shot Feeding 2025 duyog sa adlawng natawhan ni Sergio Osmeña Mayor Glen N. Yu, nga gipahigayon sa tanang eskwelahan sa 39 ka barangay sa lungsod, diin usa ka kalihokan nga nagpakita sa pagkahiusa ug pag-alagad alang sa kahimsog sa kabataan.
Gipangulohan kini ni Mayor Glen N. Yu, nga padayon nga nagbarug sa tinguha nga mapalambo ang nutrisyon ug panglawas sa mga kabataan sa munisipyo. Uban sa suporta ni Vice Mayor Ciddycriz Villamin, mga Sangguniang Bayan Members, ilabi na ni Hon. Zosimo Palomares Jr., Chairman sa Committee on Health, nga mitabang aron mahimong posible ang kalihokan.
Dakong papel usab ang nabuhat nila Municipal Nutrition Action Officer Dr. June Maries Saga, Nutrition Program Coordinator Guilbert Saturos, Public Health Nurse Mercy Bendijo, QRT Team Leader Kent Rod, ang Quick Response Team, RHU personnel, ug mga opisyal sa barangay, nga nagtinabangay aron masiguro ang hapsay ug malampusong pagpatuman sa feeding program.
Ang malampusong feeding program giisip nga usa sa labing makahulugang “regalo” ni Mayor Yu nga nagpakita sa pagmahal ug dedikasyon sa mga Osmeñanhon.
Padayon nga naglaum ang munisipyo nga pinaagi sa maong inisyatiba, mas lig-on pa ang nutrisyon sa kabataan ug mas mapahiusa ang komunidad sa pag-atiman sa mga kabatan-onon, ang umaabot nga kusog sa Sergio Osmeña.(IKEN B. GULLEM)
Source: Municipality of Sergio Osmeña