Malampuson nga gipahigayon ang Skills Enhancement Training alang sa mga Barangay Tanod ug uban pang Force Multipliers didto sa Covered Court, Barangay Olingan ning syudad sa Dipolog, kaniadtong Setyembre 8, 2025.
Ang maong kalihokan gipangulohan sa Personnel sa Dipolog City Police Station ubos sa pagdumala ni PCPT Roel L. Talaid, Deputy Chief of Police, uban ang mga personahe sa City Disaster Risk Reduction and Management Office (CDRRMO), kauban ang aktibong suporta sa Lokal nga Pangagamhanan sa Dipolog (LGU-Dipolog).
Mitambong ug aktibong nipartisipar sa training ang mga Barangay Tanod gikan sa Barangay Olingan, Barangay Galas, ug Barangay Sta. Filomena, uban sa ilang tagsa-tagsa ka opisyal sa barangay.
Ang maong inisyatibo nagtinguha sa pagpalambo sa kompetensya, propesyonalismo, ug kahandaan sa barangay-level law enforcement ug support personnel sa pagpatuman sa ilang tahas isip frontliners sa kaluwasan sa komunidad ug disaster response.
Kini nga kalihukan kabahin sa padayon nga paningkamot sa Philippine National Police (PNP) sa pagpangusog sa community-based peacekeeping ug sa paglig-on sa multi-sectoral nga pamaagi aron mas masiguro ang kalinaw ug seguridad sa lokal nga komunidad.(Jumalisa Papa)
Source: DIPOLOG CPS