Gilunsad sa Siocon District Jail ang medical outreach program aron mapalambo ang kahimsog sa mga Persons Deprived of Liberty (PDL) isip kabahin sa National Correctional Consciousness Week 2025 niadtong Oktubre 22.
Gipangulohan kini ni JSINSP Achmed Aziz A. Pia, Acting Jail Warden, ug giuban ni Dr. Mary Therese M. Acevedo-Jarmin uban sa tulo ka personnel gikan sa RHU Siocon, Zamboanga del Norte.
Gihatagan og libreng konsultasyon ug tambal ang mga PDL sa maong kalihokan nga nagtinguha sa pag-atiman sa ilang pisikal ug mental nga panglawas, ingon man sa pagpadayon sa makataong pagtratar ug rehabilitasyon sulod sa pasilidad.(Jeniffer Jr. Delica)
Source/Photo Courtesy: Siocon District Jail