Mipartisipar ang Department of Agrarian Reform (DAR) Zamboanga del Norte sa usa ka Orientation on the Program to Institutionalize Meritocracy and Excellence in Human Resource Management (PRIME-HRM) aron mapalig-on ang ilang serbisyong publiko, nga gipahigayon sa Crystal Ballroom, Grand Astoria Hotel, Zamboanga City, niadtong Oktubre 21, 2025.
Gipangulohan ni Provincial Agrarian Reform Program Officer II Daisy Dell Suan Digamon, ang kalihokan nga nagtumong sa pagpalig-on sa kapasidad ug integridad sa human resource management aron mapatuman ang mga pamatasan ug sistema nga angay sa Civil Service Commission (CSC) standards.
Sa iyang mensahe, gibug-atan ni DAR Region IX Regional Director Atty. Ramon E. Madroñal ang importansya sa PRIME-HRM program sa pagpaayo sa serbisyo publiko pinaagi sa tukmang pagdumala sa mga kawani.
Pinaagi sa aktibong partisipasyon niini, gipamatud-an sa DAR Zamboanga del Norte ang padayon nga paningkamot sa pagpalambo sa merit-based, transparent, ug epektibong human resource management alang sa mas episyenteng pagserbisyo sa katawhan.(Iken B. Gullem)
photo courtesy: DAR Zambonorte