Gilusad sa mga personahe sa Sindangan Central Fire Station ubos sa pagpanguna ni FSINSP Francis Carl T. Paulite, Municipal Fire Marshal, ang paspas nga pagresponde sa usa ka vehicular accident sa Barangay Goleo, Sindangan, Zamboanga del Norte niadtong Oktubre 22, 2025.
Pag-abot sa lugar, ilang nasakpan ang biktima nga buhi ug makahuna-huna, apan adunay samad sa wala nga bahin sa ulo ug hubag sa agtang. Gilimpyohan dayon kini gamit ang povidone-iodine ug gitabunan og gasa aron mapahunong ang pagdugo, sa dili pa kini gidala sa ambulansya paingon sa ospital.
Tungod sa kusog ug koordinadong aksyon sa mga bombero, dali nga natabangan ang biktima ug malikayan ang mas grabe nga kadaot. Nagpamatood kini sa tinud-anay nga serbisyo sa Sindangan Fire Station sa pagpanalipod sa kinabuhi ug kabtangan sa komunidad.(Jeniffer Jr. Delica)
Source/Photo Courtesy: BFP Sindangan Municipal Fire Station V2