Gipakusgan sa Municipality of Sindangan ang kampanya alang sa mas luwas ug sayon nga digital transactions pinaagi sa pagpahigayon sa Paleng-QR Ph Plus: Digital Financial Literacy and Onboarding Program niadtong Hulyo 22–23, 2026 sa Municipal Hall of Sindangan.
Gitumong sa programa nga maandam ang mga market vendor, negosyante ug mga miyembro sa komunidad sa paggamit sa cashless ug digital payment platforms isip kabahin sa pagpalapad sa financial inclusion sa lungsod.
Gipahigayon atol sa kalihokan ang mga orientation bahin sa digital financial literacy, Paleng-QR Ph Plus, QR Ph ug financial literacy nga gipangunahan sa Bangko Sentral ng Pilipinas (BSP), lakip ang digital literacy session gikan sa Department of Information and Communications Technology (DICT) IX.
Gipaila usab sa mga partner financial service providers ang ilang mga serbisyo ug gipahigayon ang account onboarding aron matabangan ang mga partisipante nga makasugod sa paggamit sa digital financial services.
Pormal nga giablihan ang kalihokan pinaagi sa welcome remarks ni Vice Mayor Nilo Florentino Z. Sy, uban sa mga representante sa BSP, DICT, DILG, DTI ug mga financial service providers nga nagpahayag sa ilang suporta sa digital transformation sa Sindangan.
Samtang, gipangunahan sa Local Government Unit of Sindangan ang programa uban sa BSP, DICT, mga Financial Service Providers, GCash, Maya, Palawan Pawnshop ug Palawan Express Pera Padala.
Pinaagi niini, gitinguha sa LGU Sindangan nga mas mapalapad ang access sa digital financial services, ilabina alang sa mga lokal nga negosyante ug vendors, aron mas mapadali ug mas maprotektahan ang ilang adlaw-adlaw nga mga transaksyon.(IKEN B. GULLEM)
Source: Municipality of Sindangan