Midaog na usab ang Mindanao State University–Sindangan Extension sa 29th Philippine Statistics Quiz (PSQ) Provincial Elimination nga gipahigayon sa Top Plaza Hotel niadtong Oktubre 20, 2025. Si Daisy Grace T. Tiquel, estudyante sa MSU-MCSE, ang nakakuha sa kampiyonato.
Nakab-ot ang ikaduhang pwesto ni John Mark Erana gikan sa Jose Rizal Memorial State University (JRMSU) Main Campus, samtang ikatulo si John Rey A. Vallinas, usab gikan sa JRMSU. Apil sa kompetisyon ang mga tunghaan sama sa Rizal Memorial Institute, JRMSU–Dapitan, Dipolog, Katipunan, ug Tampilisan Campus, Colegio de San Francisco Javier, Andres Bonifacio College, Saint Vincent’s College Inc., ug DMC College Foundation Inc.
Ang PSQ usa ka tinuig nga nasudnong paligsan nga gilaraw aron masuta ang kahibalo sa estadistika sa mga unang tuig nga estudyante sa kolehiyo ug mapalapdan ang ilang pagpasabot sa papel sa estadistika sa nasudnong kalamboan.(Jeniffer Jr. Delica)