Gipahigayon sa Sindangan District Jail ang usa ka joint greyhound operation, drug testing, ug drug awareness symposium isip kabahin sa pagpalig-on sa disiplina ug kahimsog sulod sa pasilidad, kagahapon, Enero 28, 2026.
Sa pagpanguna ni District Jail Warden JSINSP Rolly L. Paner ug sa kooperasyon sa Philippine Drug Enforcement Agency nga gipangulohan ni Agent Feicies S. Agravante, giapil sa drug testing ang mga personnel ug Persons Deprived of Liberty, nga tanan mipakita og negatibong resulta. Mitabang usab ang Rural Health Unit Sindangan alang sa medikal nga proseso.
Human sa drug testing, gilusad ang greyhound operation sa tanang selda sa bilangguan, nga nagpamatuod sa hugot nga paningkamot sa administrasyon sa pagpadayon sa usa ka drug-free, luwas, ug malinawon nga palibot sulod sa Sindangan District Jail.(JENIFFER JR. DELICA)
Source: Sindangan District Jail