Miresponde daun ang Emergency Medical Services personnel sa Liloy Municipal Fire Station sa usa ka babaye nga nanganak sa Barangay Punta, Liloy, Zamboanga del Norte alas 10 sa buntag, Enero 28, 2026.
Sa pag-abot sa responder, nahimugso na ang usa ka himsog nga batang lalaki sulod sa balay. Gilayon nga gi-assess ang inahan ug ang bag-ong natawo, gisiguro ang kahimtangan sa ilang pagginhawa ug kahimsog, ug gipahimutang ang hustong medical care.
Human sa inisyal nga pag-atiman, gidala ang inahan ug ang iyang anak sakay sa ambulansya sa Bureau of Fire Protection padulong sa Liloy Integrated Health District Hospital alang sa dugang nga medikal nga obserbasyon ug pag-atiman.(JENIFFER JR. DELICA)
Source: BFP R9 Liloy Fire Station