Gisugdan sa Dapitan City ang usa ka konkretong lakang alang sa pangisda ug kalikupan human personal nga nanguna si Mayor Evelyn “Belen” T. Uy sa pagbuhi og blue crabs ug mud crabs sa Suba sa Dapitan niadtong Enero 27, 2026.
Ang maong kalihokan, nga gitambongan usab ni Konsehal Dennis Tan ug City Agriculturist Cyril Patangan, nagtumong sa pagpalig-on sa populasyon sa mga alimango ug sa pagmintinar sa balanse sa ekosistema sa suba isip tinubdan sa panginabuhian sa lokal nga mga mananagat.
Gilauman nga ang pito ka lambay ug tulo ka alimango nga gipagawas mahimong semilya sa dugang nga produksyon, samtang giawhag sa lokal nga pangagamhanan ang katawhan sa Dapitan nga magtinabangay sa pagpanalipod sa atong katubigan alang sa malungtarong kauswagan sa umaabot.(JENIFFER JR. DELICA)
Source: City Government of Dapitan