Nagpahigayon ug usa ka monitoring alang sa Cold Chain, ORT Corner, ug Adolescent Health-Friendly Facility (AHF) ang
mga kawani sa Sindangan Rural Health Unit (RHU) Team didto sa Barangay Balok, Sindangan Zamboanga del Norte niadtong Agosto 28,2026.
Ang kalihokan gihimo pinaagi ni Nurse Jenny Lozano (NDP), ug sa mga Barangay Lagag ug Dapaon uban ni Nurse Maria Theresa Ponte (NDP).
Gitambongan usab ang kalihokan sa mga PHN niini nga gilangkuban nila ni Jorelyn B. Curato, Vivian D. Sagario, Maries Angel M. Silvano, ug Marlou Joseph P. Magtajas kinsa nakigtambayayong sa mga NDP nurse ug mga barangay health team sa pagsusi sa mga serbisyo, pasilidad, ug mga aspeto nga angay pang pauswagon.
Ang maong talagsaong kalihokan nga gitumbok sa talagsaong pagbisita mao ang Barangay Lagag ug Barangay Dapaon, diin nag-una kining nagpakita og maayong ehemplo taliwala sa mga AHYF nga nabisitahan na ,ilabi na sa mga gitanyag nga IEC material, haom nga mga lugar, kalimpyo, kahapsay, ug sa kinatibuk-ang kahimtang nga makapadani ug haom alang sa mga kabatan-onan.
Usa ka paggpamatuod sa paningkamot kung giunsa paghimo sa usa ka maayong pagka-andam nga palibot ang mga serbisyo sa panglawas nga mas makapadani ug daling ma-access ngadto sa mga kabatan-onan.
Sa samang higayon usa ka dakong pasalamat ang gipaambit alang sa Kapitan sa Barangay sa Lagag nga si Barangay Captain Hon. Bryz S. Imperial ug sa mga Barangay Councilor ug BHW, ug ilabi na usab sa Kapitan sa Barangay Dapaon nga si Barangay Captain Hon. Ledio M. Catayas, mga Barangay Official ug BHW, sa ilang presensya, suporta, ug makahuluganong feedback kabahin sa partisipasyon atol sa monitoring.(MEDALYN U. BORJA)
Source: RHU Sindangan