Nagkatigom ang mga personahe Godod Municipal Fire Station (Godod MFS), uban sa Department of Education (DepEd) Godod District ug uban pang mga partner nga ahensya ug stakeholders alang sa pagpangandam sa umaabot nga Nationwide Simultaneous School Safety Drill nga magtutok sa mga senaryo sa “Active Attack.”
Ang pagtambong sa mga personahe sa Godod MFS sa panagtigom gipagpangunahan ni Acting Municipal Fire Marshal SFO1 Allain L. Dolar, nga gipasiugdahan sa DepEd Godod District.
Tumong sa maong tugom mao ang pagpalig-on sa koordinasyon, pagklaro sa mga tahas ug responsibilidad, ug pagsiguro sa kaandam pinaagi sa pagpahigayon ug safety drill kauban ang mga partner nga ahensya sa tunghaan.
Ang kamahinungdanon sa pagpangandam, hapsay nga koordinasyon tali sa mga ahensya, ug paspas ug epektibo nga pagtubag sa emerhensya aron mapanalipdan ang kaayohan sa mga estudyante, magtutudlo, kawani, ug sa tibuok komunidad sa eskwelahan nga maoy maghatag ug gibug-aton sa kalihokan.(MEDALYN U. BORJA)
Source: BFP R9 Godod Municipal Fire Station