Gipakig-atubang sa Dipolognon student filmmakers nga sila Writer/Director Rey Anthony Villaverde ug Assistant Director Mariel Barbaso si City Mayor Roberto Y. Uy atol sa ilang courtesy visit sa City Mayor’s Office aron ipaambit ang kalampusan sa ilang independent film nga “Silkscreen.”
Gidala sa mga filmmaker ngadto kang Mayor Uy ang ilang nakab-ot human madaug sa “Silkscreen” ang Best Short Film sa 22nd Cinemalaya Independent Film Festival 2026 nga gipahigayon gikan Agosto 6 hangtod 18 sa Red Carpet Cinemas, Shangri-La Plaza sa Mandaluyong City.
Niapil usab sa maong courtesy visit si City Councilor Atty. Roseller L. Barinaga ug City Tourism Officer Cecil R. Bilog, diin ilang gipadayag ang suporta ug pag-ila sa kalampusan sa mga batan-ong filmmaker sa Dipolog.
Gipasiugda sa maong kalampusan ang talento ug pagkamamugnaon sa mga batan-ong Filipino filmmaker, lakip ang nagkadakong pag-ila sa independent cinema pinaagi sa mga pelikulang sama sa “Silkscreen.”(JENIFFER JR. DELICA)
Source: Dipolog City Government