GIPAHIGAYON sa mga personnel sa 1st Zamboanga del Norte Provincial Mobile Force Company, 3rd FOB Platoon, ang church visitation ug police visibility operation sa St. Philip Binizi Parish sa Sergio Osmeña, Zamboanga del Norte.
Gitumong sa maong kalihokan nga masiguro ang luwas, malinawon, ug hapsay nga palibot alang sa mga magsisimba sulod sa ilang Area of Responsibility (AOR).
Pinaagi sa maong operasyon, gipakita sa mga kapulisan ang ilang padayong paningkamot sa pagmintinar sa kalinaw ug kahapsay, ilabina atol sa mga kalihokan sa pagsimba sa komunidad.
Kabahin usab kini sa commitment sa unit sa public safety ug community partnership aron masiguro nga ang mga residente gawasnon ug luwas nga makapahigayon sa ilang mga kalihokan sa relihiyon.(JENIFFER JR. DELICA)
Source: PNP Zamboanga del Norte 1st Provincial Mobile Force Company