Gipahibalo sa Dapitan City ang “Pasko sa Kabayanan,” usa ka Christmas house decorating competition nga bukas sa tanang panimalay sulod sa siyudad, diin makadaog ang champion og 100 mil pesos, 50 mil pesos alang sa first runner-up, 30 mil pesos sa second runner-up, ug 10 ka consolation prizes nga tag-10 mil pesos matag usa.
Gitakda ang registration sa Septiyembre 12, 2026, ug mahimong magparehistro online o sa City Tourism Office. Usa lamang ka opisyal nga entry ang mahimong iparehistro sa matag panimalay, ug ang mga entry kinahanglan makita gikan sa public road o accessible viewing area.
Gitugotan ang mga partisipante nga mogamit og ilang kaugalingong Christmas theme o mohubad sa “Pasko sa Dapitan: A Yuletide SEAson.” Apil sa judging ang creativity ug originality, visual impact, lighting ug aesthetic appeal, Christmas theme ug concept, ug craftsmanship ug execution. Upat ka judging rounds ang himuon, diin 30 porsyento ang unang judging, 30 porsyento ang ikaduha, ug 40 porsyento ang final judging.
Gipahimangnoan usab ang mga partisipante nga sundon ang tanang electrical, fire, structural, ug weather safety requirements gikan sa pag-instalar hangtod sa pagtangtang sa mga dekorasyon. Ang mga entry kinahanglan magpabiling luwas, functional, limpyo, ug presentable sa tibuok competition period, samtang ang authorized technical personnel mahimong mag-inspeksyon sa mga display kung gikinahanglan.(JENIFFER JR. DELICA)
Source: Dapitan City Government