Sikop sa mga kapulisan ang usa ka lalaki nga nagdala ug ihalas nga armas atol sa gipahigayon nga Checkpoint sa Comelec Gun Ban didto sa COMPAC 2, Barangay Osukan, Labason, Zamboanga del Norte, sa Enero 16, 2024.
Ang nasikop wala gibutyag ang tinoud nga pangalan, usa ka 34 anyos, mag-uuma ug lumolupyo sa Barangay Titik, Leon B. Postigo Zn.
Atol sa gipahigayon nga Comelec Checkpoint sa maong lugar ang kapolisan sa Labason Municipal Police Station (MPS) inubanan sa 2nd Zamboanga del Norte Provincial Mobile Force Company (ZNPMFC) ug 97th Infantry Battalion, Philippine Army,ug sa dihang miagi ang maong indibidwal sakay sa usa ka Skygo nga motorsiklo, ug sa dihang gahimo na kini ug pag-inspeksyon, nakita ang kalibre 38 nga pistola nga adunay 4 ka buhing bala sa iyang posisyon hinungdan sa iyang dinaliang pagsikop sa mga kapulisan.
Ang dinakpan suspetsado apil na ang nakumpiska nga armas ang anaa na karon sa Labason Police Station alang na sa tukmang disposasyon.
Sugod sa unang adlaw sa pagpatuman sa Comelec Gun Ban sa Enero 12 ning tuiga sa tibuok nasud, kini ang unang gikataho nga nagmalapason dinhi sa Zamboanga Del Norte. (Angelica T. Obina)
(Source: ZNPPO)