Mipakita og paspas ug koordinadong aksyon ang Sibutad Municipal Fire Station ubos sa direktang pagdumala ni Acting Municipal Fire Marshall SFO2 Levi T. Clamohoy, kauban ang dedikadong Shift A personnel ug mga responder sa MDRRMO, human dayong mitubag sa usa ka aksidente sa sakyanan nga nahitabo sa Brgy. Libay, Sibutad, Zamboanga del Norte.
Pag-abot sa lugar sa insidente, nasuta sa rescue team nga himsog ug conscious pa ang pasyente. Gilayon nilang gihimo ang unang assessment, lakip ang pagkuha sa vital signs, paghatag sa unang tabang, ug pagpatuman sa hustong mga pamaagi aron ma-stabilize ang kahimtangan sa pasyente.
Human masiguro ang kahimtangan niini, malampuson nga gidala ang pasyente sa Sibutad Municipal Hospital alang sa dugang medikal nga ebalwasyon ug hustong pagtambal.(IKEN B. GULLEM)
Source: Sibutad Municipal Fire Station