Paspas nga mitabang ang Bureau of Fire Protection Liloy Municipal Fire Station Shift B sa usa ka aksidente sa dalan nga nahitabo sa Barangay Goaw niadtong alas-4:37 sa hapon, Enero 1, 2026, ubos sa pagpangulo ni Acting Municipal Fire Marshal Fire Inspector Dave C. Dela Cruz.
Pag-abot sa mga personnel sa lugar, napalgan ang biktima nga anaa sa kilid sa dalan. Sa inisyal nga medical assessment, nasuta nga adunay galos sa wala nga bitiis ang biktima. Gilapatan dayon kini og paunang medikal nga tabang ug gipahimutang sa spine board aron masiguro ang husto nga kahimtangan samtang gikuha ug girekord ang vital signs.
Human sa stabilisasyon, gidala dayon ang biktima sa Liloy Integrated Health District Hospital alang sa dugang nga pag-atiman. Padayon ang BFP Liloy sa pagpakita sa kahandurawan ug paspas nga pagresponde aron mapanalipdan ang kinabuhi ug kaluwasan sa publiko.(JENIFFER JR. DELICA)
Source: BFP R9 Liloy Fire Station