Ang Sergio Osmeña National High School (SONHS) sa lungsod sa Sergio Osmeña, Zamboanga del Norte, maoy napiling pilot area sa kagamhanang probinsyal pinaagi sa Provincial Disaster Risk Reduction and Management Office (PDRRMO( alang sa 2nd Quarter Nationwide Simultaneous Earthquake Drill (NSED) 2023.
Ang SONHS adunay 1,981 ka mga estudyante gikan sa Grade 7 hangtod Grade 12 ug adunay 82 ka mga magtutudlo ug kawani.
Tumong sa maong drill aron mapataas ang kaamgohan ug ang pagpangandam sa panahon nga adunay linog ug maseguro ang kaluwasan sa mga kabataan ug sa komunidad.
Si Ms Imelda T. Villas, MDRRM Officer sa maong lungsod ang namahayag nga nag-unang tumong sa ilang pagpanerbisyo mao ang pagluwas sa kinabuhi ug sa komunidad.
Kinahanglan ang pagpangandam sa dili damhong kalamidad aron masukod ug unsa ka lig-on ug pagkaandam sa lugar nga moresponde sa iyang katawhan.
Dugang ni Villas nga nga atol sa drill nga ang kagamhanang lokal sa Sergio Osmeña ilawom sa administrasyon ni Mayor Augustines ‘Teting’ Magsalay, mohimo ug nagkalain-laing simulated scenarios kung unsa ang pagahimuon panahon kung adunay linog,
Samtang sa mensahe ni Mr. Allen Sison, PDRRMO-Chief of Operations and Warning kini ang midayeg sa maong tulunghaan nga maayo kaayo ang performance sa mga estudyante ug magtutudlo niini kompara sa ubang mga lungsod.
(Source: Provincial Information Center ZaNorte Facebook page)