SERGIO OSMEÑA NAGPAHIGAYON OG INFORMATION DRIVE SA BRGY. LABIRAY, SERGIO OSMEÑA
Nagpahigayon og information drive ang Sergio Osmeña Municipal Police Station sa Barangay Labiray, Sergio Osmeña, Zamboanga del Norte, nga gitambongan sa mga miyembro sa kapulisan ug kasundalohan aron mapalalom ang kahibalo sa komunidad bahin sa kaluwasan ug kalinaw.
Sa maong kalihokan, gihisgutan ang nagkalain-laing hilisgutan sama sa Anti-Terrorism Campaign aron mapataas ang pagbantay sa katawhan, Republic Act 9262 o Anti-Violence Against Women and Their Children Act nga nagpunting sa proteksyon sa kababayen-an ug kabataan, ug Republic Act 9165 o Comprehensive Dangerous Drugs Act of 2002 nga nagpasidaan batok sa ilegal nga droga.
Samtang, tumong sa kalihokan nga mapalig-on ang panaghiusa sa kapulisan ug komunidad sa pagmintinar sa kalinaw ug kahusay sa barangay.(IKEN B. GULLEM)
Source: Sergio Osmeña Municipal Police Station ZNPPO