Naghiusa karon ang katawhan sa Dapitan City ug ang mga bisita gikan sa nagkalain-laing dapit sa nasod sa usa ka makahuluganon nga kalihukan aron pasidunggan ug saulogon ang 129th Anniversary sa Pagkahero ni Dr. Jose Rizal, ang pambansang bayani sa Pilipinas.
Ang selebrasyon nga gitawag og Kabilin Rizal: “Handuraw” gipahigayon karong Disyembre 30, 2025 (Martes), sugod alas 7:00 sa buntag, sa NHCP Museo ni Jose Rizal Dapitan.
Kini nga lugar nagbarog isip usa ka bililhong simbolo sa kasaysayan, diin nagpuyo si Rizal atol sa iyang pagkadestiyero.
Sumala sa mga tigpasiugda, ang Handuraw nagsilbing pahinundom sa kinabuhi, mga buhat, ug sakripisyo ni Dr. Jose Rizal alang sa kagawasan ug kauswagan sa nasod.
Giawhag usab ang tanang motambong nga magsul-ob og Filipiniana alang sa kababayen-an ug Barong alang sa kalalakin-an, isip pagpakita sa pagrespeto sa kultura ug nasyonal nga identidad sa Pilipino.(IKEN B. GULLEM)
Source: DEPED TAYO- Division of Dapitan