Sa nagpadayong programa alang sa matag Barangay nga mao ang Serbisyo Bilis sa Barangay (SBB) laing residente sa Brgy.Aseniero sa Dapitan ang nakabenpisyo na usab sa maong programa nga gipahigayon niadtong Hunyo 18,2024, sa Bgy.Aseniero dakbyan sa Dapitan.
Kini nga programa ang nagpadayon ubos sa administrasyon sa kasamtangang Mayor sa dakbayan sa Dapitan nga si Mayor Bullet Jalosjos,diin kini gahatag ug kalipay ngadto sa mga katawhan ug ilabi na sa Punong Barangay sa Aseniero nga si Elma Tacbaya sa gihatag nga serbisyo sa mga katawhan nga nabenepisyohan sa kadaghanan nga inabagan usab sa mga opisyales sa dakbayan.
Sa maong programa ang buhatan sa CSWDO mipahigayon ug mass feeding diin mihatag usab ug 2 walking canes ug 1 crutches alang sa mga senior citizen.
Sa samang higayon ang City Health Office mihatag ug libreng consultation ug libreng mga tambal ug bitamina diin 130 ang nakapahimulos, ug laing 44 ka mga bata ang naapil sa libreng tuli ug 38 ka tawo ang naka avail sa dental services.
550 ka pamilya usab ang nakadawat sa tag 5 kilos nga bugas, noodles ug canned goods. 100 ka mga bata nahatagan sa bag-ong pares sa mga tsinelas,285 ka mga packs sa vegetable seedlings, urea ug abono napang apod-apod sa City Agriculture’s Office.
Samtang 45 ka tawo mi avail sa late registration sa City Civil Registrar. 38 ka tawo usab ang nakapahimulos sa libreng alot sa buhok.
Dugang pa, ang City Veterinarian’s Office,mipahigayon ug anti rabies vaccine alang sa mga binuhing iro ug muabot sa 839 ka nagkalain lain nga buhing hayop ang napailawom sa deworming ug nahatagan sa bitamina. (Medalyn U. Borja)
(Source: City Government of Dapitan)