Cebu: SUV nabangga sa mixer truck, 4 patay sa Dumaguete city

0
19
photo credits to the owner

Madugoon nga kabuntagon ang nipukaw sa mga residente sa Purok 7, Brgy. Batinguel, Dumaguete City, kaganinang alas 4:50 sa buntag karong adlawa, Hunyo 22, 2024. Human sa usa ka aksidente sa kalsada nga naglambigit tali sa usa ka SUV ug usa ka Mixer truck, diin nikutlo ug Upat ka kinabuhi.

Ang Upat nga nakalas pulos sakay sa maong SUV apil na ang maong driver niini, samtang ang Tulo nila nga mga kauban ana pa karon sa tambalanan ug padayon nga gialima sa mga doktor. Ang mga biktima pulos kini taga Luzon.

Samtang ang mixer truck driver nga usa ka 43-anyos, residente sa Brgy. Tinago, dakbayan sa Dumaguete, naa na usab sa buhatan sa kapulisan.

Sa inisyal nga imbestigasyon nga gihimo sa Traffic Investigator nga ang maong sakyanan nagbiyahe gikan sa amihanan hangtod sa habagatan nga direksyon ug ang Mixer Truck nagbiyahe gikan sa habagatan hangtod sa amihanan nga direksyon ug sa pag-abot sa usa ka linya sa kurba sa dalan ang SUV milahos sa pikas nga linya ug nabangga sa mixer Truck hinungdan sa hinanaling kamatayon sa upat ka mga biktima, ug ang mga kaubanan niini nakaangkon ug samad ug bun-og sa kalawasan.

Daling gidala ang ubang mga biktima sa Silliman University Medical Center (SUMC) ug Negros Oriental Provincial Hospital (NOPH) alang sa dinaliang medikal nga pagtagad. (Ting Joe Pepito | Renante Socia Lada | Roy Ortega, Dumaguete Beat Patrol Reporter)

Leave a Reply