Gipalig-on ang kahibalo ug abilidad sa mga opisyales sa Local Government Unit sa Piñan pinaagi sa “Formulation of Capacity Development” nga gipahigayon niadtong nilabay nga adlaw sa Manuel Resort, Poblacion North, Piñan, Zamboanga del Norte.
Gilangkuban ang kalihokan sa Gender Sensitivity Workshop ug Workplace Management Seminar nga nagtumong sa pagpalambo sa patas, respetado ug propesyonal nga palibot sa trabaho sulod sa lokal nga panggamhanan.
Gitambongan kini sa mga Department Heads ug ubang opisyal sa LGU Piñan isip kabahin sa padayon nga paningkamot sa pagpauswag sa ilang kapasidad ug kahibalo alang sa mas maayong pagserbisyo sa katawhan.
Gipasiugdahan usab sa mga resource speaker nga sila Kristine Joy G. Hilot-Andag ug Art Louie T. Bangcale ang maong seminar, diin ilang gipahat ang mga giya ug kasayuran aron mapalig-on ang epektibong pagdumala ug kalidad sa serbisyo sa gobyerno.(JENIFFER JR. DELICA)
Source: Mayor Rommel Gudmalin