Misalmot sa malampusong selebrasyon sa Ika-128 nga Adlaw sa Kagawasan ang mga personahe sa 902nd Community Defense Center,dinhi sa Dipolog nga gipangunahan ni COL MANDY T. LIBERTO ART (GSC) PA, Director, uban sa Reservist Officers, Reservist Enlisted Personnel, Veterans Federations ug Cadet Officers gikan sa lain-laing ROTC units sa tibuok Probinsya sa Zamboanga del Norte nga gipahigayon didto sa Orchid Pavilion sa may Rizal Avenue, dakbayan sa Dipolog niadtong Hunyo 12,2026.
Ang maong selebrasyon naghiusa sa mga opisyal sa lokal nga gobyerno, unipormadong personel, civic organizations, ug mga miyembro sa komunidad subay sa tema nga Kagawasan nga nagdala sa tema nga “Kalayaan, Kinabukasan, Kasaysayan” (Freedom, Future, History), nga nagpunting sa usa ka pagpaambit ug pagpasidungog sa malungtarong kagawasan sa nasud.
Gihinumdoman sa nasangpit nga selebrasyon ang kaisog sa mga bayani sa atong nasud kinsa mihimo sa katapusang sakripisyo alang sa kagawasan, ang henerasyon karon sa mga tigpanalipod nagpadayon sa pagtuboy sa ilang kabilin.
Samtang ang mga bayani sa nangagi maisugon nga nakig-away sa natad sa panggubatan, ang modernong-adlaw nga mga bayani hilom nga nagserbisyo sulod sa ilang mga komunidad.
Pinaagi sa pag apil sa makahuloganong selebrasyon,ang mga reservist ug mga kadete sa ROTC milangkob niining diwa sa patriyotismo.
Mipakita sa ilang kaandam sa pagpahinungod sa ilang panahon ug paningkamot sa pagserbisyo sa nasud—pagbalanse sa ilang personal nga mga responsibilidad uban sa ilang pasalig sa depensa sa komunidad.
Ang 902nd Community Defense Center mipamatuod pag-usab sa pasalig sa pagpanalipod sa kagawasan ug pagdasig sa sunod nga henerasyon sa paghatag ug bili ug pagpanalipod sa kahago nga kagawasan pinaagi sa pag-alagad dala lamang ang gugma sa nasud ug sa lawom nga pagbati sa katungdanan.(MEDALYN U. BORJA)
Source: 902nd Defense Community Defense Center