Hugtanong napatuman sa mga personahe sa kapulisan sa Dapitan City Police Station ang Seguridad sa Publiko, atol sa gipahigayon nga kapyestahan sa ilang Patron nga si Senior Santiago, Hulyo 25, 2025.
Gipangunayan usab mismo ni Pltcol. Eva Joy E Capurcos nga maoy Officer-In-Charge sa Dapitan City Police Station ang Security Coverage sa gipahigayon nga pag-obserbar sa solemniya sa Tradisyinal nga “Sinug”.
Nasayran nga ang selebrasyon sa kapyestahan sa dakbayan sa Dapitan, gilauman nga dagsaon og libuan ka mga deboto, nga mosalmot prosesyon nga magbit-bit og mga dahon sa Parpagayo isip ilang paghatag og dakong respeto ug pagyukbo, sa ilang mahal nga Patron nga si Senior Santiago.
Bisan paman sa baga nga bul-og sa katawhan, nga mitambong sa dakong aktibidad sa nasangpit nga dakbayan, gisingmotan sa mga kapulisan niini, nga magpabilin ang kahapsay ug ang kalinaw, alang sa katagbawan sa mga katawhan. (Julius Esmade)