Gidawat ni Governor Darel Dexter T. Uy si Noel Del Castillo, Chief Executive Officer sa SEEYOUDOC, ug si Vanessa Del Castillo, Chief Financial Officer, atol sa ilang courtesy visit sa Provincial Capitol aron ipresentar ang Digital Health Program, usa ka inobatibong mobile application nga nagtinguha nga mapaayo ang akses ug episyensya sa serbisyo medikal sa probinsya.
Kauban sa delegasyon sila Nuhman M. Aljani, Provincial Science and Technology Director sa DOST–Zamboanga del Norte, Cindy J. Obnimaga, Project Technical Assistant II sa DOST–ZDN, ug Dr. Romelo M. Vergara, Chief of Hospital II sa Zamboanga del Norte Medical Center (ZNMC).
Ang maong app naglangkob sa koneksyon tali sa mga pasyente, health providers, ug mga ospital pinaagi sa usa ka digital platform. Gidayeg ni Governor Uy ang maong inisyatiba ug mipadayag sa tibuok suporta sa probinsyal nga pangagamhanan sa mga makabag-ong teknolohikal nga solusyon nga nagpalig-on sa paghatod sa episyente ug accessible nga healthcare alang sa tanang Zanortehanon.(IKEN B. GULLEM)