Gipasidunggan sa Boy Scouts of the Philippines (BSP) sa Zamboanga del Norte, Dipolog, ug Dapitan City Council ang mga haligi sa boluntaryong serbisyo, ilabina ang mga adult leaders gikan sa Dapitan City Division nga padayon nga naghatag og suporta ug giya sa kabatan-onan.
Sa maong seremonya, gihatagan og lain-laing pasidungog ang mga lider sama sa Silver Medal of Merit, Bronze Medal of Merit, Silver Service Award, ug Bronze Service Award isip pagkilala sa ilang dugay na nga dedikasyon sa scouting ug sa pagpalambo sa mga kabatan-onang miyembro.
Kini nga award nagpakita nga ang tinuod nga kahulogan sa serbisyo wala magdepende sa ranggo, kundili sa padayon nga paningkamot sa paggiya, pagtabang, ug pagserbisyo sa komunidad.
Matud sa BSP, ang maong sistema sa pag-ila sa serbisyo nagdasig sa kultura sa pagpasalamat ug pag-ila sa tanang kontribusyon, bisan pa kini gamay o dako. Pinaagi niini, mas napalig-on ang espiritu sa boluntaryong pagserbisyo sa organisasyon.
Gilauman nga ang maong tradisyon magpadayon sa pagdasig sa bag-ong henerasyon sa mga lider nga mopadayon sa espiritu sa serbisyo ug panaghiusa alang sa kaayohan sa komunidad.(IKEN B. GULLEM)
Source: DepEd Tayo-Division of Dapitan