Andam na ang mga kabatan-onang atleta sa umaabot nga Basketball Camp nga ipahigayon karong Abril 21, 2026 sa Roxas Gymnasium, sugod ala una sa hapon, isip inisyatiba sa pagpalambo sa ilang kahanas sa sports.
Ang kalihokan nagtumong sa paghasa sa abilidad sa mga partisipante sa dribbling, shooting, ug teamwork pinaagi sa organisadong drills ug praktis. Gilauman nga makatabang kini sa pagpalig-on sa disiplina, kooperasyon, ug sportsmanship sa mga batan-on nga nagtinguha nga molambo sa basketball.
Gipahinumdoman ang tanang moapil nga magdala sa ilang kaugalingong bola, tubig alang sa hydration, ug ekstra nga t-shirt tungod sa pisikal nga kalihokan. Kinahanglan usab ang consent gikan sa ginikanan isip kabahin sa requirements sa pag-apil.
Sumala sa mga tig-organisa, ang Basketball Camp dili lamang usa ka training sa kahanas, kundili usa usab ka paagi sa pagpalig-on sa panaghiusa ug maayong relasyon sa mga kabatan-onan sa komunidad.(IKEN B. GULLEM)
Source: Roxas Zambonorte