Nasikop ang usa ka suspetsado sa anti-illegal drug operation nga gipahigayon sa Salug Municipal Police Station sa Barangay Poblacion East, Salug, Zamboanga del Norte.
Nakumpiska sa operasyon ang gibana-bana nga 1 ka gramo sa gituohang shabu nga adunay balor nga ₱6,800 pinaagi sa buy-bust operation sa kapulisan.
Gipahigayon ang aksyon isip kabahin sa padayon nga kampanya batok sa illegal nga droga sa maong lugar.
Sumala sa pulisya, nagpakita kini sa ilang lig-on nga paningkamot sa pagpanalipod sa komunidad ug pagbatok sa kalapasan nga may kalabotan sa ilegal nga droga.(JENNIFER JR. DELICA)
Source: Salug Municipal Police Station ZNPPO